June 18, 2025, 05:29 PM: Achanak para bishi para pani girishey 17th June, 2025 laga raati tey, kuntu para toh, landslide khan aru mud flood khan hoishey, Bhandari town laga aas paas phaney.
Utu sob toh hataboley aru sapha kuriboley kaam kuri asey, kuntu toh hoiley hudai din kuri kena jai asey, jawa hapta para, Bhandari town laga manu khan mili kena, monsoon nimitey tyaari thakiboley laga part thaki kena, kuntu toh hoiley eman modod toh pawa nai, itu bishi heavy para pani gira tey.
Itu disaster hoi jawa laga situation ke sai jai kena, itu district administration para state kurishey ki, effort khan kuri asey clear kuriboley, maintain kuriboley aru repair kuriboley biya hoi jawa raasta khan, nala khan aru alag local infrastructure khan, itu monsoon-laga-related issue khan laga impact komti kuriboley.
Eneka homoi tey, ADC Bhandari para bhi inform kurishey ki, itu narukhi kena pani gira tey aru landslide khan hoa homoi tey, kunba private building khan aru property khan bhi kunba toh damange hoi jai kena asey.
Merapani Village Council para inform kurishey ki, heavy para pani gira para, flash flood khan hoishey, Foothill area khan tey, aru Merapani Bosti tey, state kurishey ki, Marachu river bishi flood hoa para, Merapani laga main road aru osor-osor laga area khan bhi pani para bhorta hoi jai kena asey, aru kunba area khan tey, pani khan para saath-feet tak bhi uthi jai kena asey, ground level tey para.
Add Comment