Lankan jail larai te 8 jun morishe

Colombo: Monday din Sri Lankan high security prison te coronavirus bemar cases otha nemite  gooli mara-mari korikena komti hoilebi 8 jun morishe aro 55 manuh jokom hoishe, koikena police para janai thishe. Etu jamila ola nemite capital Colombo laga Mahara prison te 100 neshina police khan jama hoishe. Sunday din te jail te thaka manuh para guards khan logot larai korishe, etu samai kitchen jolaishe aro tui(2) jun wardens khan ke thurishe, koikena police para koishe. “tui(2) jun police officer ke pachaboli parishe aro hospital te ase, etu khobor toh police spokesman Ajith Rohana para janaishe. “situation toh control te ase”. 600 officers aro 200 police commandos khan etu jaga osor te ahikena ase koihse. 8 jun jail te thaka morai khan ke Ragama hospital te loikena jaishe, koikena medical source para koishe. Dosura 55 manuh jokom howa pithir te konuba toh besi serious te thaka kham Sunday rati hospital te admitted hoishe. Jail te thaka manuh khan para coronavirus bemari otha nemite te jail para olaikena protest korishe, officials para koishe. Sri Lankan laga jail te Covid-19 cases toh besi othi ase aro Saturday din dak te 1,000 paishe. Tui(2) jun manuh toh bemar para morikena ase koishe. Jaa hafta, central Bogambara jaga te ek jun manuh jail para pulaboli kora samai kerikena morishe koishe.