RAIPUR, NOVEMBER 12 : Commando Battalion for Resolution Action (CoBRA) laga 2 jun Sepai ke larai hua time te jukum kuridese. Etubi Security Forces kan aro Maoist bithormanu kan Chhattisgarh laga Bijapur District te larai kura time te. Aro etu Larai hua toh 12:20 pm, Monday te huikena thakise. Aro etu larai toh etu khobor kura time te huikena hi thakise koi kena, Police pora janaise.
Etu larai toh State Capital Raipur pora 500 km dur jaka, Pamed laga Jungle te huise. Etu jungle te Security Forces kan ki-ki duty kurikena thaka time te etu Maoist bithormanu pora puntuk marikena hamla kurise koise. Etu time te Security Personnel kan pora puntuk mari khoraidese. Aro etu bejete Maoist bithormanu kan bolaijaa huise koise. Aro etu chamala nemite bi tusera sepai kan bi besi bataide thakise koise.
Add Comment