New Delhi, 02 December: Government hisaab deh, “Last tui sal deh 3.38 lakh opor companies ke official records para hataidishe. Etu toh annual returns submit nakora nemide ase. Corporate Affairs Ministry para tui sal nohoile etu para opor sal annual returns file nakora company ke hataidishe.
Monday din Lok Sabha deh Minister of State for Corporate Affairs Anurag Singh Thakur koise, RoCs (Registrar of Companies) para time time deh financial statements file nakora companies ke prosecutions file korise.
Tai koise, financial sal 2017-18 aro 2018-19 time deh RoCs para 3,38,963 companies hataidishe. Etu toh financial statements nohoile annual return tui sal nohoile etu para opor sal file nakora nemide ase.
Companies Act, 2013 pithor deh kon para file nakora etu khan ke RoCs para companies ke official records para hataidebole paribo. Thakur koise, Companies Act laga Section 182 pithor deh company para political party nohoile kon ke hoilebi political purpose nemide poisa para motob debo paribo.
Add Comment