Mumbai: Legendary singer Lata Mangeshkar, kun ke ekta hospital laga Intensive Care Unit te halikena ase saas lobole napara nimete critical ase hoilebi tai asti asti bhal hoijai ase.
Ekta hospital te thaka manu para PTI ke koikena janaishe ki Etu 90 umar Mangeshkar toh Breach Candy Hospital Monday phujur toh admit kurishe etu te Dr Patit Samdhani para tai ke treatment di ase.”Tai critical ase hoilebi tai laga condition toh asti para bhal hoi ase .Tai toh etia tak hospital te hi ase.”
Hoilebi etu veteran singer’s PR team Tuesday din statement te khobor dishe ki tai toh etia stable ase .Tai laga parameters bi bhal ase tai bishi bhal hoishe aro wapas ahi ase .Singer hoikena tai laga lung capacity para tai ke wapas anishe .Ami khan apuni khan ke khobor dibo kitia Lataji toh discharge hoikena ghor te wapas ahibo.Ami khan para request kuri ase etu family khan ke time dibole nimete .”
Mangeshkar para tai laga awaz dishe Hindi regional aro foreign languages laga thousands nishena gaana nimete .Tai laga last full album toh late filmmaker Yash Chopra-directed 2004 film “Veer Zaara” nimete thakishe .Mangeshkar para etu sal laga latest song record kurishe “Saugandh Mujhe Is Mitti Ki”, etu toh March 30 te olaishe Indian army ke saaman dikena .Tai ke Bharat Ratna Highest civilian award 2001 te dishe.
Add Comment