KOHIMA, SEPTEMBER 24 : Late Imtikumzuk Longkumer, Advisor, Sericulture aro Excise laga Send-off Service toh 24th September 2018 te Official Residence, New Minister’s Hill Kohima te 8:00 am paji phale manaidese.
Etu din te Late Imtikumzuk laga maiki Imkongzungla Longkumer pora kotha kurise. Etu ke tai tai laga moda toh ekta bhal manu ase. Aro tai tai laga kam kan ke besi mon de kena kam kura aro manu kan nemite kam kuribole monjaa manu ekta ase koi kena janaide thakise. Aro tai bi tai laga moda toh neju bacha kan nemite ekta bhal aro morom kura bapa ase koi kena janaide thakise.
Etu din te Vice President, Chubalepzuk of Kohima Ao Telongjem, Minister for Higher Education, Temjen Imna Along, Working President of NDPP, Alemtemshi Jamir, legislators, Imkong L. Imchen, . G. Kaito Aye, aro President of ungma senso telongjem, kohima kan sob pora etu MLA lag bhal kotha kan janaide thakise. Aro tai laga khor manu kan ke besi mondukh baa laga kotha kan janaide thakise koise.
Etu Din laga Service toh State Chaplin, Rev. Kuzierang Thou pora ahkete luijai kena manaidese. Aro etu din te alak-alak Organisations, NGOs kan ahe kena thakise. Aro tai kan sob last wala ekta hisab (respect) dekhaide thakise koise. Etu ke Governor PB Acharya bi thakise koise.
Add Comment