New Delhi. August 16, 2020. Late actor Sushant Singh Rajput morikena tui(2) moina hoishe. Tai laga ghor manuh para justice paboli nemite narokina larai kuriase, aro tai khan besas as eke Sushant tuh suicide kora nahoikena morai deya ase. Independence din te, Sushant laga ghor manuh khan 24 gonda parthana kurikena tai ke parthana te yaat kuri thishe. Sushant laga didi, Shweta Singh Kirti para fans logot join kurikena tai laga noksa tuh hath te thurikena shared kuriboli koishe. Tai para aro California State Assembly para actor ke society te contribution kura nemite certificate deya laga noksa tuh be shared kurishe. Shweta Singh Kirti para leka tuh, “Indian laga Independence din te California para ami laga bhai(Sushant) ke society nemite yaat thaka tuh besi kushi ase. California tuh ami khan logot te ase. California para motom kura nemite dunyabad” certificate logot tai ke noksa te olaishe. Shweta laga mota para be certificate laga noksa tuh shared kurikena lekishe ke, “duniyaa phur te states aro government khan para be sai as eke Sushant mora case oper te hosa laga investigation babo lage. Etai toh India National oper te ase. Happy Independence Day. @shwetasinghkirt #GlobalPrayersForSSR #CBI4SSR” California State Assembly para samaan deya kotha kora samay, Shweta para India Today logot koishe ke, “ami etu California State Assembly laga hath para paa toh besi tangor moka ase, moi laga bhai nam te, tai ke yaat ahikena bhal kam nemite aro Indian cinema logot contributions kora nemite. Ami Assembly members aro Indian American community logot tai khan para narokina support kora nemite dunyabad thiase. June 14 darik te, Sushant Singh Rajput toh tai laga ghor Bandra te hang kurikena thakishe. ED para poisa nemite Rhea Chakraborty, tai bhai Showik, baba Indrajit, Sushant laga didi, ghor staff, Shruti Modi, purana bodyguard aro dosura manuh besi logot kotha hota-hoti kuriase koishe.
Add Comment