Lawyer khan jury ke adult content sabo paribo na nai huti she Diddy laga case te

New York, 13 April 2025: Sean “Diddy” Combs laga upcoming sex trafficking trial nimite, tai laga lawyer khan judge ke request kurise ki prospective juror khan ke sex, drugs aru violence laga question kuribo dibi. Tai khan ekta proposed questionnaire submit kurise juntu May 5 te Manhattan federal court te trial suru hobo karone diya hobo. Lawyer khan janai se ki tai khan jane bole mon ase ki juror khan sexually explicit video aru physical assault sabo nimite ready ase na nai. Tai khan bhi janebo mon ase ki juror khan multiple sexual partner thaka manuh ke ki bhabhi. Prosecutor khan criticize kurise ki defense laga 72-ta question, subparts milaikena, bisi lamba ase aru unnecessary topics ase, juntu judge personally question kurile bhal hobo. Tai khan Ghislaine Maxwell laga trial dikhai se, juntu te ekta juror questionnaire bhal para na bhujhi aru important information disclose kura nai. Judge Arun Subramanian janai se ki questionnaire April end te hundreds of prospective juror khan ke dibo, aru juror questioning May 5 pura start hobo. Opening statement May 12 te expect kura ase. Combs, 55, not guilty plead kurise. Indictment te likha ase ki tai music mogul hissab te power use kuri kene woman khan ke lure kurie, force aru threat use kuri commercial sex act kuri bole di. Tai khan Cassie laga ekta video submit kurise juntu te Diddy tai ke marise aru floor te thuli dise. Defense lawyer khan argue kurise ki prosecutor khan case banai se bujai kene consenting adults laga sex act bhi bura ase. Tai khan janai se ki juror khan ke TV shows like “The Fall of Diddy” aru “Diddy Do It?” dekhi se na nai bhi huti bo lage, karon media influence juror laga opinion te effect dibo pare.