Norway, 1 June : 2.5 points laga ekta comfortable advantage logot sole lead dey, Indian Grandmaster R Vaishali para China laga Tingjie Lei ke yatey Norway chess tournament laga fifth round dey khilibo.
Agey four rounds para 8.5 points amass kurina, Vaishali toh china laga mahila world champion Wenjun Ju aro Ukraine laga Anna Muzychuk khilaf USD 1,61,000 prize money tournament dey agey asey.
Classical time control dey yatey ekta jeet three points thakina, Vaishali toh compatriot Koneru Humpy aro veteran Pia Cramling khilaf jeet luina bishi dangor benefit luishey.
Tai laga first-round haar, Armageddon time control andar dey, Ju ke spirit hamper kurianai kitia Vaishali aasani para wapis bounce kurishey.
Ju para Classical time control andar dey four khel draq kuria piche dey Armageddon andar det four jeet score kurishey. Armageddon andar dey ekta jeet toh 1.5 points asey aro itu Chinese itia karney invincible asey.
Humpy toh tai laga best dey thakianai aro itia tak tai laga high point toh Teingjie Lei khilaf ekta jeet thakishey.
Vaishali laga khilaf itu haar toh bishi demoralising thakishey aro Muzychuk laga khilaf bhi eki result dina eman motut kurianai.
Huilewi, tai laga comeback skills janina, Humpy kw rule out kuriboley naparibo kitia Classical time control andar dey ekta jeet para standings ke upar niche podli kuribo paribo.
Mota laga section dey, Praggnanadhaa toh star pick thakishey, third round dey Norway laga world number one Magnus Carlsen khilaf agey jeet lua piche dey huilewi, Hikaru Nakamura khilaf haarina taike six-player list dey fourth kuri dishey.
Armageddon andar dey ekta jeet aro haar, aro Classical andar dey ekta jeet aro haar toh itia tak itu Indian talent laga report card thakishey aro itu event jitiwoley ekta chance karney tai bhaal wala huwo lagibo.
Nakamura para seven points logot mota laga section lead kuri asey aro Frenchman Firouzja Alireza logot aatha points para agey asey.
Carlsen toh six points dey asey, Praggnanandhaa logor aatha points agey kun tai laga next-round opponent Fabiano Caruana khilaf aatha point lead dey asey.
Asorit para yatey bottom-placed toh China laga reigning world champion Ding Liren asey kun tai laga sobse bhaal form dey nahoi.
Pairings round 5:
Mota : R Praggnanandhaa (Ind, 5.5) vs Fabiano Caruana (Usa, 5); Ding Liren (Chn, 2.5) vs Hikaru Nakamura (Usa, 7); Magnus Carlsen (Nor, 6) vs Firouzja Alireza (Fra, 6.5).
Mahila : R Vaishali (Ind, 8.5) vs Tingjie Lei (Chn, 5); Wenjun Ju (Chn, 6) vs Koneru Humpy (Ind, 3); Anna Muzychuk (Ukr, 6) vs Pia Cramling (Swe, 3).
Add Comment