Lebanon 4oct 2024: Doctor ekta koi ase tai bhui khai. Aro alak koi taikhan bacha la duk dikhina kam kuribo leh diktar ase. Manu khan ke sa time te. Alak jaka te toh Lebanese la manu toh ko hoileh b ghor nacharibo. Ghor te thakibo. Ghor osor te kiman bomd kurileh b.
Southern Lebanon la sopse dangor hospital la doctor khan b bishi bhui khai ase koishey muribo leh. Taikhan la osor te olop din hoina hamla ahi karne.
Staff la adhat manu toh chari dishey. Alak khan toh building te jai jaishey enika kurina 10 days hoishe hospital te thakina.
Hospital Emergency response la head Dr Mohammad Taoube koishey taikhan karne b bishi diktar ase bhui te kam kuriboleh. Tai bhui khai nijor karne aro taila ghor manu karne ki maneh Lebanon echa toh safe jaka nai hoishey. Enika koishe aro.
Hospital la osor te tinta attack dikhishey. Tadeh tinta pra ekta toh emergency department te lagishey. Etu rasta bon hoi jaishey aro manu kuna jokom paishe. ER staff khan pra taikhan ke toh sai dishey.
Ekta doctor pra koishey taikhan duibar jokom paishe. Ekta toh ghor te bomb ahikina aro ekta toh taikhan ghor wapas jabo time te.
Medics khan kwa toh etu osor te attack kura toh taikhan ke bhui khilabo nimite ase. Taikhan ke hospital charibo karne.
Dr Abdul Nasser , general surgeon ekta hospital te koishe tai etu attack ke bhui khai. Attack khan osor osor ahi ase. Taila staff ke koishey kute ase tadeh thakina kam kuribi
Add Comment