Lebanon para aha ekta drone para Netanyahu laka ghor keh target kuri shae

October 19, 2024: Israeli military para ekta drone, Israel deh cross kuri shae kui shae Lebanon para aro etu drone tho Carsarea laka town keh strike kuri shae kui shae. Local media para drone tho Prime Minister Benjamin Netanyahu laka residence keh target kuri shae kui shae.Military para drone tho Caesarea jaka laka ekta structure keh strike kuri shae kui shae hoile b kun b jokom kah nai kui shae. Etu laka upor deh tuita drone keh b girai di shae. Reports laka isap deh drone hamla tho Prime Minister Netanyahu laka ghor osor deh hui shae.Gililot laka jaka deh sirens laka awas kan huni shae, hoile b IDF para eku casualties kan report kura nai. Situation tho itia b investigation pitor deh ase aro taikan laka target napuncha agae deh tuita drones keh b giria di shae. IDF kan itia b incident tho sai ase aro etu jaka deh eku threat kan nai kui shae itia.Iran laka supreme leader Ayatollah Ali Khamenei para Saturday din deh Hamas tho zinda ase kui shae aro taikan laka leader Yahya Sinwar muri leh b, Hamas kan survive kuri bo kui shae. “Mukan taikan keh hara tho resistance karne duk ase, Israel laka against, hoile b yeteh kotom nahu bo,” Khamenei para kui shae.“Palestinian Islamist movement Hamas tho zinda ase aro zinda taki bo,” tai para ekta statement deh kui shae.