Italy, 4 April : Jitu time te khobor ahi jaise ki Lewis Hamilton 2025 te Ferrari join koribo, Carlos Sainz bhalke bujhi jaise ki tai jagah dibole lagibo ekta saat bar championship jiti thaka driver ke. Tai pichole ekbar koi thakise, “Itu kabhi Charles nohoi.”
Charles Leclerc, ekjon Monegasque driver, chhoto pora he Ferrari laga project thakise — Driver Academy pora shuru kori junior Formula te, aru olop din te main Formula 1 team te. 2018 te jabole Sebastian Vettel seriously Hamilton aru Mercedes ke challenge korise, Ferrari bujhi jaise ki Leclerc hobo taikan future. Tai ke ulai lobo Alfa Romeo Sauber para, juntu Ferrari laga sister team ase.
Etia Formula 1 change ho jaise. Dangor-dangor team bhi kom experience thaka youngster logot chance lobo lage, Max Verstappen laga example nisena, juntu 18 saal te Red Bull te debut kori win korise. Itu inspired hoi, Ferrari 21 saal laga Leclerc ke loi aise — 58 saal te sabse kom umr laga Ferrari driver. Tai deliver bhi korise — podiums aru race win, especially Monza te, juntu tifosi (Ferrari fans) khushi korise.
Leclerc eta no.1 driver hobo parise Vettel ke surpass kori. Kintu 6 saal bitigai, aru Ferrari-leclerc laga sapna ekdom fulfill nohoi. Etia tai laga 150th race hobo Suzuka te. Tai 8 race jitise, 26 pole positions ase — speed ase, kintu Ferrari thik se support nai koripare.
Bohut bar team laga strategy error aru technical fault nimite chance miss hoi jaise — win, podium, point sabh. 2022 te tai ekbar seriously title fight te thakise, but Red Bull aru Verstappen para overpower kori finish korise.
2007 te Kimi Raikkonen jiti thaka pichor para, Alonso aru Vettel try korise but fail. Leclerc bhi 6 saal te try kori ase, 2025 hobo 7th. Etia tai 27 saal hoise — dangor driver manu itu age te championship already jitise. 2026 te new engine rules ahi ase, tai etu ho pare last chance Leclerc karone Ferrari logot success pai boloi, nai hole frustration te dusra team try koribo paribo.
Add Comment