Kuala Lumpur: Badminton star Lee Chong Wei August te World Championships te nadhakibo kintoh tai cancer karne bishi lampa absence howa karne ranking te kirise, official pora Wednesday te kosie.
Etu matlob toh Malaysian laga former world number one pora pohili bar world title chitibole moka bar kuridibole ase, aro Tokyo 2020 Olympics te compete kuribole karne phabna bhi harise.
Michelle Chai, Badminton Association of Malaysia (BAM) laga general manager, pora kosie Lee —etya duniya te rank 113 dhakiya manu — Switzerland, championships te 19-25 August pora nakhilibole pare.
“Lee Chong Wei pora world championship te hesa nalobole pare kintoh tai etya merit te qualify nakure,”tai pora AFP te koise.
Country pora sobse bishi tweita players bodhabole paribo tai khan world top 150 te ase aro Malaysia te etya tok Lee laga opor te tweita ase— Lee Zii Jia aro Liew Daren.
BAM president Norza Zakaria pora paka kurise ki body pora players khan ke rankings laga hesab te April khotom howa somoy te olabole ase.
“Moi khan sob pora jane, Chong Wei toh list laga hesa te nai aro tai etya tok te tai laga fitness karne kam kuri ase. Chong Wei karne etya laga pohila kam toh tai laga bimar phal hobole ase, etu pora moi khan sob bhi pohila toh etu ke dhian dibo,” The Star newspaper pora hudiya somoy te tai pora koise.
Triple Olympic silver medallist toh jowa sal july pora hi nag laga cancer bimar hoi kena bahar te dhakise.
36 umar pora Taiwan te ektam dan treatment programme loise hoile bhi retire nahobole kosie aro January te training suru hoise.
Tai march te All England Open te dhakibole pariya nai Malaysia Open April te bhi dhakiya nai —tweita tournaments te bhi tai wapas ahibole phabna kurise — aro tai etu mohina te China te dhakibole laga Sudirman Cup mixed-team event te bhi dhakibole naparibo.
Add Comment