December 18, 2024: Lee Jung Jae para recently, The Tonight Show Starring Jimmy Fallon deh ahi shae, kuteh tai hit Korean series Squid games deh kam kura experience tho share kuri shae. Interview time deh, tai para show laka bishi ruka sequel karne kun bah spoilers kan tease kuri shae. Ekta fun aro light hearted segment deh, Lee para Fallon lokot deh ekta yes or no game kili shae.
Actor para comedy show deh tai show deh alak contestants laka against compete kuri bole nahoi kui shae, prize money karne. Piche deh, taike tai tho nutun frontman nahoileh game laka in-charge hobo leh ase nah nai, hudi shae leh, tai para hoi kui nah nahoi b kui shae. Actor para show tho nutun quirky games lokot deh filled taki shae kui shae, contestants akn kili bo karne.
Age deh, Lee para taila character tho nutun season deh ekta nutun mission deh ase kui shae. Tai para NBC News keh etu kui shae,” Actors kan taikan laka characters deh ghusi jah time deh, taikan laka values tho character papna isap deh jai jai kui shae. Squid games tho justice laka kotha kureh aro kinaka manu kan keh eki lokot ani di bo, etu laka kotha kureh. Aro mui b uitu laka papna kuri takeh.”
Comedy show time deh, Lee para show tho aro alak ekta season lokot deh wapas ahi bo kui shae aro taikan laka release date b janai di shae. Tai para Squid games season 3 tho OTT platform deh wapas ahi bo kui shae, 2025 sal deh.
Add Comment