Argentina, 21 April : Hugo Orlando Gatti, ekta legendary Argentine goalkeeper aru Argentina national team laga former star, Sunday din 80 saal umr te morise, South American Football Confederation jorote koi dise.
Gatti dui maah ago broken hip laga karone hospital te admit hoise, kintu pisot pneumonia, kidney aru heart problem hoise, aru last te tai ke sedate kuridise jab tai laga health dhire dhire kharap hoijai.
News report hisab te, tai laga family Sunday din tai laga life support hatai dise.
Gatti — juntu laga nickname thakise ‘El Loco’ (mad man) — Argentina laga top football division te sabse beshi game kheli thaka player thakise, 765 match. Tai 1962 para 1988 pora football kheli thakise.
Tai 44 saal umr te bhi Boca Juniors laga starting lineup te thakise, juntu regional football giants te.
Gatti famous hoise apunar extroverted nature karone aru ekta of the first goalkeeper thakise juntu six-yard box para bahar jaike boro area te aahi khelise.
Tai outspoken thakise aru ekbar football legend Diego Maradona ke “gordito” buli koi dise, juntu Spanish te “mota” (chubby) buli bujabo. Kintu kun din pisot Maradona tai ke badla loi 4ta goal marise.
Gatti 1977 te Copa Libertadores jitithaka Boca Juniors team te thakise.
Tai originally 1978 te World Cup jitithaka Argentina national team karone starting goalie hobo thakise, kintu tournament suru hobo agey ekta knee injury hoise, aru tai ke sidelined kuridise.
Add Comment