India, 17 June : Legendary South Africa cricketer Jonty Rhodes ke Indian cricket team laga next fielding coach nishna consiser kuri asey, Revsportz laga reports hisab dey. Rhodes toh tai laga khilia career homkj exemplary fielding skills thakia karney limelight dey ahishey aro tai laga catching prowess toh sport laga history dey sobse bhaal maju dey ekta consider kurey. Itu report claim kurishey ki itu role karney Rhodes ke eku approach ahianai huilewi tai laga naam consider kuri asey. BCCI toh India laga next head coach ke finalize kuriboley asey kitia Rahul Dravid laga tenure toh T20 World Cup 2024 piche dey khotom huwo. Kitia itia tak eku official announce kurianai, former India batter Gautam Gambhir toh itu role karney favourite thakishey.
Media reports hisab dey, Rhodes agey dey 2019 dey itu position karney apply kurisheh huilewi BCCI para R Sridhar ke retain kuriboley faisla kurishey. Itu support staff toh head coach para pick kurey aro Ravi Shastri para Indian cricket team karney Sridhar logot fielding coach nishna aro Bharat Arun ke bowling coach nishna jawoley faisla kurishey.
Itu homoi, alag report claim kurishey ki Gambhir toh next India head coach huwoley taiyar asey tai para BCCI laga offer logot mania piche dey. Gambhir reports hisab dey kunwa demands thakishey itu offer ke namania agey dey huilewi itu report kuishey ki itu management para green light dishey aro ahia din khan dey itu announcement kuribo.
Itia karney, Paras Mhambrey aro T Dilip toh bowling aro fielding coach asey, respectively.
September 28, 2024
World's First and Only Nagamese Newspaper
Add Comment