Agencies, 27 August: Tennis te ektum kamiyaab howa doubles pair, Bryan bhai para retirement janaishe. Etu tuita twins Bob Bryan aro Mike Bryan toh etiya sal 42 ase aro tai jun toh etiya besi besi tournament te jeta bechide eki logode sport chari ase.
Etu Bryans khelari para doubles history te ektum mela team bonaise. Tai jun para 26 seasons te 119 trophies loise. Etu te jarta Grand Slams, nine ATP Masters 1000s aro Olympic gold medal be melikena ase.
Tai toh 2003 sal laga 8 September te No.1 position toh ATP Doubles Ranking te powa thakise. Tai jun top te toh 348 hapta thakise aro No. 1 team hoikena 10 season kothom korise. Etu toh 2003, 2005-07, 2009-2014 sal te ase.
Tai jun para legendary careers toh ,108-359 team win-loss record logode kothom korise. Tusara kondu men’s doubles pair b e Bryans laga sumbers osor te ponja nai. Australians Todd Woodbridge aro Mark Woodforde toh Open era te 11 Grand stam totles aro 61 tour titles logode second te ase.
