Lemsachenlok laga 11th Anniversary Aru  Itu Go Green Initiative Project Laga Launch Kuria Laga

November 06, 2023 : Itu LEMSACHENLOK laga 11^th Anniversary aru itu Go Green Initiative Project launch kuriboley laga initiative toh hoiley November 4^th, 2023 tey loishey, Tata Motors Limited logotey collaborate kuri kena. Itu event toh hoiley Chang Awa tey para host kurishey, Yaongyimchen Bosti tey, Longleng District under tey, Nagaland laga, Ravindrakumar G.P logotey, kun toh hoiley Chief Human Resource Officer asey, Tata Motors Limited laga, Chief Guest hisap tey serve kuri kena.

Tai laga speech tey, Ravindrakumar GP para itu LEMSACHENLOK team ke congratulate kurishey, kuntu toh hoiley Dr. Y. Nuklu Phom, para chulai jaishey, tai khan laga steadfast commitment nimitey, community conservation ke aru alag alag social welfare activities nimitey. Tai para itu bhi emphasize kurishey ki, Tata Motors Limited toh hoiley khan ekta commercial organisation ekla nahoi hoilebi ekta group asey, environment aru social issues nimitey deep concern thaka laga. Itu Go Green Initiative Project laga introduction toh ekta significant step mark kurey, ten lakh gaas khan plant kuriboley laga direction tey, 25 local species laga, itu aha next dui saal teen saal bhitor tey.