Friday, September 12 – Hollywood superstar Leonardo DiCaprio etiya nutun film One Battle After Another te main role play kuribole ase, juntu famous director Paul Thomas Anderson laga nutun project ase. Etiya first time DiCaprio aru Anderson ekta project te milaikena kaam kuribole ase, juntu DiCaprio bishi time te para rukhi thaikishe.
DiCaprio para koishe ki, “Paul Thomas Anderson toh ekta unique aru profound filmmaker ase, tai laga writing aru direction bishi alak ase aru tai toh tai laga generation laga profound voice ase”. DiCaprio bishi dheri para rukhi ase tai logote kaam kuribole, aru etiya chance paikena tai khushi hoi kina opportunity toh grab kuri loishe.”
Film laga kahani toh Bob (DiCaprio)upor te ghorai ase . Bob ekjon bura revolutionary ase jun off-grid jiveen kori thake aru paranoia aru regret bhitor te jiveen chuli thake dikhaiase. Tai laga jiveen ulta hoi jai jabole tai laga maiki Willa (Chase Infiniti) suddenly missing hoi jaishe. Aru Bob laga purana enemy, Sean Penn laga character, 16 sal picheti wapas aahi jai aru tai ke samna kuribo lage jai.
Film te aru bishi popular actor khan bhi ase – Benicio Del Toro, Regina Hall aru Teyana Taylor khan nishena. Anderson nijor likhishe film toh, direct aru produce bhi nijor kuri ase.
DiCaprio karone etu project toh khali tai laga dream fulfill kura hai nohoi hoilebi ekta chance ase ajikali laga relevant story te kaam kuribo para karone, aru etiya public laga expectation bhi bishi upor te uthi jaiase. Anderson aru DiCaprio milaikena, etu film ke ekta memorable aru discuss kuribo laga movie hobo koikina piblic khan expect kuri thakishe.
Add Comment