SRINAGAR: Wednesday din te police para koishe ke jua saal Jammu aro Kashmir laga legislator laga ghor para hatiyar chor kura te Lashkar-e-Taiba attankwadi khan toh etu case te mukhya (main) suspect ase. Khobor hesab te police khan para Lashkar-e-Taiba attankwadi ke hospital para arrest kuri loishe.
Police official koishe ke Danish Haneef ke city laga Rajbagh jaga te thaka private hospital para jail te dishe. Tate tai Pulwama district te larai huwa samay te jokom huwa nimite tai laga treatment kuri thakishe. Pulwama district te larai toh olop din agay te hoishe.
Officials koishe ke December 2018 saal te hatiyar chor kura te Lashkar-e-Taiba attankwadi khan toh he mukhya (main) khan thaka bisas kuri ase. Aro police para tai khan ke dhuri loishe.
Tai para koishe ke etu samay te attankwadi ke puchtach kuri ase.
Sources koishe ke Congress MLC Muhammad Muzaffar Parray laga ghor para charta rifles chor kuri loishe. Congress MLC Muhammad Muzaffar Parray laga ghor toh Jawahar Nagar te ase.
Add Comment