Italy, 2 Febraury : Seven-time world champion Lewis Hamilton para Mercedes ke charina 2025 dey Ferrari ke join kuriboley laga khobor toh Formula 1 laga duniya ke toofan para luishey. Kitia fans khan toh Hamilton jawaan sensation Charles Leclerc logot Ferrari dey team up kuria karney khushi thakishey, tatey maju dey bishi manu tai ajanak para Mercedes charia laga karaan dey phabna kurishey – ekta team kuntu tai 2013 dey join kurishey. RacingNews365 laga ekta report hisab dey, Hamilton laga faisla toh alag dangor ekta departure para impact kurishey.
Itu report para claim kurishey ki Hamilton para itu faisla Vehicle Performance laga head Mercedes Loic Serra bhi Ferrari ke 2025 campaign karney join kuribo faisla lua piche dey luishey. Mercedes toh Red Bull logot recent past dey keep up kuriboley dukh paishey aro Hamilton jaa par ekta F1 race December 2021 dey jitishey.
Jaa season dey, Hamilton para tai laga notun gaari upar dey jinta thakia janai dishey kuntu Mercedes para design kurishey aro itu report agey claim kurishey ki Serra bhi Hamilton dey itu nishna issues thakishey. Kitia itu duo Ferrari dey eki logot 2025 dey join kuribo, goal toh ekta dangor challenge mount kuriboley thakibo, reigning champion Max Verstappen ke.
Hamilton para ekta tui saal contract Mercedes logot 2024 aro 2025 seasons karney sign kurishey, huilewi itu deal dey ekta clause thakishey kuntu para tai ekta season piche dey charina jawo pari thakishey.
Bishi reports kui asey ki Ferrari logot Hamilton laga agreement toh julti panai luisheu kiley kuiley itu team toh Spanish driver Carlos Sainz logot khota kui thakishey, kun para announce kurisheh ki tai saal khotom nahua agey dey team charibo.
