Monza, Italy, 4 September : Mercedes racer Lewis Hamilton para ekta accident face kurishey McLaren’s Oscar Piastri logot tae Sunday din tae Italian Grand Prix laga time tae. Piastri toh eighth spot tae thakishey kitya tai para Hamilton logot contact ahishey 10 laps logot from end para entry thak Variante della Roggia tae. Kitya Piastri kae overtake kuribole koshih kuri thakishey, etu British racer toh drift kurishey right tae aro McLaren kae marishey, aro etu para ekta collision hoi jaishey. Etu strike laga force para piastri kae top 10 contention para out kurishey kile maney tai pit tae jawole lagishey ekta notun front wing karoney. Etu incident to follow kuri kina, Hamilton para koishey etu toh tai laga galti hei ase. Etu seven-time formula One world champion para aro koishey tai para McLaren Rookie kae bi maaf mangishe.
“Etu toh olop unfortunate hoishey aro moi para bi gap toh misjudged kurishey piastri logot end tae. Etu toh moi laga galti hei thakishey aro moi tai kae sita jai kina maaf mangishe aro datey moi khan move on kurishey,” Hamilton para reporters khan kae koishey.
Incident toh reflect kuri kina, mercedes team boss Toto Wolff para Hamilton tae commend kurishey tai para tai laga mistake toh confess kura karoney. “Tai bishi sportsmanlike ase etu khan karoney. Aro tai hei moi para dikhey enika admit kura laga ‘moi mistake kurishey’. Moi jun etia hei kutha kurishey (aro tai para koishey) ‘tai kae right tae dikhanai aro etu toh moi kae jai.’ Aro bishi wala toh sob manu compain kuri thakey ekta penalty napabole karoney,” Toto Wolff para koishey.
Oscar Piastri, dusra hath tae koishey, tai para alag eku mangi poley naparey aro etu apology toh sob sae dangor ase Lewis Hamilton para koa toh. “Etu incident Lewis logot hoa toh tai kae olop shock kuri dishey tai para bhabi laga para. Stewards khan para verdict dishey aro tai para bi maaf mangishe toh moi aro alag eku mangi bole nai etu point tae toh,” Piastri para koa laga Sky sports para quote kurishey.
Add Comment