July 30, 2024: Li-Ning 46th Inter District & State Badminton championship host kurishey, Nagaland Police para, aru itu toh hoiley Li-Ning para sponsor kurishey, 30th July, 2024 tey, NAPTC, Chumoukedima tey.
Pura puri 186 player khan 14 district khan para, Nagaland Police team para bhi milai kena, itu championship tey join kurishey, kuntu toh hoiley 2nd August tak thakiboley asey. Team khan kun toh hoiley itu championship tey participate kuri asey, utu khan toh hoiley, Chumoukedima -13, Dimapur – 15, Kiphire – 4, Kohima – 22, Longleng – 11, Mokokchung – 22, Mon – 11, Nagaland Police-7, Niuland – 10, Peren – 18, Phek – 16, Shamator – 9, Tseiminyu -16, Wokha – 3, Zunheboto – 9 aru pura puri Mota khan 125 & Maiki khan 61 asey koishey. Itu championship tey toh hoiley Senior & Junior category khan khila laga witness kuriboley asey, Men & Women Singles, Doubles & Mixed Doubles aru Junior Boys & Girls U-19 Singles & Doubles thaki kena.
Itu championship laga inaugural ceremony toh hoiley ekta invocation prathana para shuru kurishey, Chumoukedima, Nagaland Police laga Pastor para. Itu participate kuri thaka team, Nagaland Polcie team aru Nagaland Badminton Association laga official khan para itu inaugural match tey attend kurishey.
Add Comment