December 27, 2024: Report laka isap deh Liam Payne laka maike, Kate Cassidy, Argentina deh taka police lokot deh interview kuri bole acha kui shae. Taikan pop star laka death tho kinaka hui shae, etu itia b investigate kuri ase.
Payne, kun One Direction laka ekta former member ase, tai October 16 deh muri jai shae, Buenos Aires hotel alka 3rd floor para giri nah. Cassidy tho Payne namura agae deh tui din agae, tai lokot deh taki shae. “Cassidy tho eki gulti kam kura karne investigation pitor deh nahoi, hoile b tai tho para tak motot kuri bo kui shae. Tai tho manu kan keh justice deh ani bole mun jai aro etu kuri bo karne tai keh questions kan hudi bo laki leh, tai kuri bo,” ekta source para Daily Mirror keh kui shae.
“Hoi, tai mukan lokot deh kam nakuri bole eku reason nai. Payne keh saba kuri bole tai bishi deri karne koshish kuri shae aro ki hui shae, etu para taike itia b haunt kureh. Manu kun Liam keh drugs di shae, taike prosecute kuri bo lakeh,” tai para kui shae.
Cops kan etu case deh connect taka manu kan keh question kuri bole bisari ase. Tateh Payne laka sathi, Roger Nores b ase, kun para Payne namura agae deh tai keh chari di shae kui nah allegations keh deny kuri shae. Nores tho police laka questions keh jawab di bole mana kuri shae, hoile b tai ekta lika statement dibo kui shae.
Add Comment