Liangmai Baptist pastors council para taikan laka Silver jubilee manai shae

September 26, 2024: Liangmai Baptist Association laka pitor deh tak Liangmai Baptist Pastor laka Council para taikan laka 25^th year Silver Jubilee manai shae, 24^th aro 25^th September 2024 din deh. Etu celebration tho “Good Shepherd” laka banner pitor deh lui shae, New Jalukie Baptist Phomling Churhc jaka deh. Etu program deh Dr. Hiazuheing Ndand, Pastor DEF Peren tho Resource Peren taki shae. Dr. Hiazuheing Ndang, Pastor para taila message deh, bhal shepherd, kuto mukan Jesus Christ laka ministry life para hiki shae, tateh dunia laka Loving, Caring aro Sacrificial savior laka quality ase kui shae. Tai para shepherd laka image tho Jesus laka role keh describe kuri bo karne chui kui shae, taila Ministry time deh. Hiazuheing para bhal shepherd tho hotai sheep karne taila life deh kui shae aro flock laka agae deh taki bole lakeh kui shae. Tai para ekta shepherd tho biswas kuri bole para manu taki bo lageh kui shae, ekta manu kun service dibo pari bo aro manu kun lokot deh ekta sacrificial mind ase. Celebration deh tenure 2024 para 2026 sal tak nutun office bearers laka selection b hui shae. Kuteh Pastor, Kaininglung Nzau keh LBPC. Jalukie town laka Pastor, Kairidin keh Treasure Secretary banai di shae aro Ntu Baptist Church laka Tunchapbo tho Treasurer hobo leh select kuri shae. Liangmai Baptist Pastor’s Council alka 25^th Anniversary tho Amos Zeliang, Pastor Peren Town laka President-ship pitor deh organize kuri shae. LBA President, Amos Zeliang para sob pastors aro taikan laka Church members kan keh taila gratitude di shae, taila tenure time deh taIkan laka cooperation dia karne.