December 2, 2023: American rapper aro singer Lil Wayne keh taila ex boduguard para sue kuri shae. Ekta alleged gun threat karne assault aro battery deh sue kuri shae Lil Wayne laka against taila ex bodyguard para.
Former employee para police keh rapper, kun laka husa nam Dwayne Michael Carter Jr ase, tai jani jani nah gun dikai shae aro khan deh tai keh punch mari shae kui shae. TMZ laka hath deh taka documents isap deh, Carlos para Lil Wayne ekta semiautomatic gun para taike goli mari bo kui nah damki kura karne accuse kuri ase kui shae.
Tai para etu damki kan tho husa para lui taki shae kui shae kiel koile puila deh b rapper tho weapon charges karne prison sentence kan pai nah taki shae. Former employee para December 2021 laka incident tho describe kuri shae. Tai para police keh call kuri nah rapper keh accuse kuri shae kui shae assault rifle taila against chula karne. Etu damki tho rapper laka ghor, California Hidden Hills deh jamal ola piche deh kura ase kui shae.
Jamala tho aro bia hui taka tho ekjun ekjun keh mara shuru hui shae aro last deh rapper para A-15 dikai shae taikeh. Carlos para tai wagaes hara karne aro taila medical expense karne compensatory aro punitive damages demand kuri shae.
Sources kn kun AMA winner lokot close ase, taikan para etu allegation kan tho deny kuri shae aro taikan para Wayne enaka time deh pantok b taka nai kui shae.
Add Comment