October 25, 2024: Former One Direction member Liam Payne, kun October 16 din deh muri jai shae, tai para tai laka pichae deh bishi answer nataka question kan chari nah jai jaishae. Nutun nutun report kan hotai ahi ase, pink cocaine para girlfriend drama tak.
Ekta recent report para Payne tho Nicole Scherzinger lokot deh kotha kuri taki shae kui nah confirm kuri shae. Etu information tho Andrew Lloyd Webber para janai di shae. Andrew tho Broadway musical Sunset Boulevard laka composer ase.
Bishi manu lokot deh dur taki nah b, Liam Payne tho Pussycat Dolls star Nicole Scherzinger lokot deh hotai contact rakhi taki shae. Nicole tho Liam laka X factor din time deh tai mentor kuri shae. October 24 laka ekta Billboard Interview deh, Andrew Lloyd Webber para ekta expect nakura detail share kuri shae. “Nicole para One Direction laka Liam Payne keh mentor kuri shae kui nah manu kan bihsi najaneh. Tai mura din deh, Liam, tai Nicole keh text kuri taki shae.”
Nicole tho khali Liam Payne laka ekta mentor taka nai. Tai One Direction bana bole ekta dangor role b kili shae. X Factor laka purana videos kan ola shuru hui shae, social medias deh. Etu videos kan deh Liam, Zayn Malik, Harry Styles, Niall Horan, aro Louis Tomlinson keh eki lokot ani bole idea tho Nicole laka taki shae kui nah dikai shae.
Add Comment