America, 10 August : Sobse bhaal footballer Lionel Messi para Major league football club Inter Miami logot sign kurina tai laga European adventure khotom kurishey. Juti reports hisab dey Messi Saudi Arabian club logot bhi sign kuribo pari thakishey huilewi Messi para tai laga career toh United States of America dey hi shuru kuriboley chunishey. Huilewi Inter Miami laga goalkeeper Nick Marsman toh Messi ke tai laga side dey dikhina eman khushi thakianai. Tai kuishey ki MLS toh Messi nishna dangor khiladi ekta ke luwoley tayaar nahoi. Messi laga singing ke sawaal kurina olob mahina piche dey goalkeeper toh Inter Miami dey tai laga contract khotom kuri dishey.
Marsman toh Dutch club Feyenoord para Inter Miami dey 2021 dey ahishey. Tai Messi club dey ahia toh transfer laga khota ula time para hi sawaal kuri thakishey.
Tai para ESPN ke June dey kuishey, “Mui phabna hisab dey toh itu club Messi ahiwoley karney tayaar nahoi. Muikhan laga stadium temporary asey, manu khan pitch dey Eni pirawo parey, gate bhi nai. Muikhan bhi stadium dey security nathakina jai. Mui phabna toh taikhan tayaar nahoi. Huilewi tai ahiwoley vishwas asey.”
Athletic hisab dey, Marsman laga khota toh club laga tay dey eku contribute kurianai. Itu tay toh, reports hisab dey, tai laga thankwa dey hi thakishey, considering tai MLS club dey khali ekta backup goalkeeper hi thakishey.
Messi MLS dey ahina bishi khusi para swagaat kurishey aro julti hi club laga sobse dangor goal-threat huishey. Footbal spectrum bahar para alag Athletics khan bhi Messi khilia sawoley Inter Miami laga game dey hutai ahi thakey.
Messi laga alawa, Inter Miami para former Barcelona teammates ke bhi sign kurishey, Sergio Busquets aro Jordi Alba. Tomas Aviles, Diego Gomez aro Facundo Farias nishna khan ke wi club laga notun coach Tata Martino para sign kurishey.
Add Comment