Barcelona: Charly Rexach, Barcelona khan ke Lionel Messi anidibole modot kuri diya manu pora koise tai pora football star ke 12 umar dhakiya somoy te paper napkin te contract sign kuribole dise kintoh tai jani dhakise ki tai misa mise te nakuribole laga bishi talent ase koi kena.
Rexach toh Messi logot te pohila log kuriya somoy te 2000 te Barcelona executive dhakise. Rexach bhi Barca karne 1966-81 tak khili dhakise.
“Tai laga papa phabna kuri dhakise ki kam dhik pora najaa koi kena aro moi ke koise ki tai khan chiri kena jabole pare koi kena,” ESPN te tai poa koise.
“Etu biche te moi pora tai ke sign kuribole faisla loise. Ekbar Barcelona te tai ke waiter pora moi ke diya paper napkin te sign kuridibole phabna kurise kintoh tai ke charidibole mon dhakiya nai,” tai pora etu bhi koise.
Messi ke chuibar European Golden Shoe dise. Tai pora etu award loise kintoh tai pora 2018 aro 2019 laga biche te 34 league khiliya te 36 goals score kuri kena Europe’s top division bura te sobse bishi league goals score kuriya player dhakise.
Messi ke ceremony te Golden Shoe dise aro etu Trophy toh tai laga bacha Thiago aro Mateo duijun laga hat pora dise.
Add Comment