Paris, 31 October : Lionel Messi kuishey Monday dey ki tai phabna kuri thakia nai tai laga long-term future laga kitia tai eighth Ballon d’Or jitia laga khushi enjoy kurishey tai laga storied career laga. Messi, 36, Karim Benzema ke succeed kurishey itu prize laga vijeta nishina, tai laga performances jaa season piche dey award kurishey, kitia tai para Argentina ke Qatar World Cup dey jeet dilaishey. “Jaa par jitia toh bhi Argentine national team logot achieve kuria dey dhanuobad asey Copa America (2021) dey, huilewi itu wala toh bishi khaas asey kiley kuiley itu toh muikhan World Cup jitia piche dey ahishey,” Messi para bishi media ke kuishey AFP ke milaina tai laga award lua piche dey Paris laga ekta ceremony dey.
“Itu trophy toh bishi manu para bishi jitiwo mun thakia laga asey, aro itu toh mui karney, mui laga teammates aro mui laga desh karney sapna hosa hua thakishey.”
Tai para Argentina ke ekta jeet dey lui jaishey Qatar dey kuntu para tai laga remarkable career crown kurishey aro stiff competition khan sawoley dishey Ballon d’Or karney Kylian Mbappe aro Erling Haaland para.
Haaland toh final voting dey second ahishey, Mbappe third aro Kevin De Bruyne fourth dey.
Former Barcelona superstar Messi para World Cup dey seven par score kurishey aro tournament laga sobse bhaal khiladi kuina naam dishey Argentina para France ke harai dia piche dey final laga penalties dey Doha dey.
Juti Messi, kun tai laga agey first Ballon d’Or 2009 dey jitishey, Paris Saint-Germain dey ekta underwhelming season thakishey, Major League Soccer dey PSG charina Inter Miami karney khiliboley najaa agey dey.
“Mui long-term future karney toh phabna nakurey. Itia karney toh mui din para din hi enjoy kuri asey” tai kuishey.
“Muikhan ekta Copa America ahi asey United States dey, kutey mui itia asey, kutey muikhan holders asey, toh mui tatey bhaal shape dey ahiwoley agey sai asey aro piche dey sawo tatey para mui kinika agey jawo.”
Mui phabna kuria nishina cheez hua nai huilewi mui itu sheher bishi enjoy kurishey aro mui laga bacha khan bishi bhaal lagishey aro chariwoley dukh paishey,” Tai kuishey.
“Itu ekta spectacular sheher asey aro mui yatey thakia toh lucky thakishey. Football hisab dey toh mui phabna kuria nishina jainai huilewi bishi bhaal chee khan toh yaad kuriboley muun asey.”
