Florida, 19 March : Lionel Messi football history te aru ekta bisi dangor milestone create kori dise, ketiya tai official matches te 900 goals score kora second men’s footballer hoise. Tai etu landmark pohorise Inter Miami CF laga Nashville SC logot 1-1 draw match te CONCACAF Champions Cup second leg te Florida te.
Messi laga milestone goal ekdom tight match te ahise, aru draw hoile bhi Inter Miami aggregate te next round te qualify korise. Lionel Messi etiya Cristiano Ronaldo logot join kori dise, juntu duijon matro players ase jikhane 900 goals cross kori dise.
Cristiano Ronaldo, juntu Al-Nassr captain ase, September 2024 te etu record pohorise. Etia, Ronaldo 965 goals loi ase aru tai openly koise ki tai 1000 goals pohoribole bisare ase retirement age.
Dusra fale, Lionel Messi 900 goals pohoriboloi 1,142 matches loi ase, ketiya Ronaldo 1,236 matches loi ase etu mark pohoribole. Pelé etiya all-time scoring list te third position te ase 765 goals logot.
Add Comment