Lionel Messi training te korai ahishe

Agencies, 08 September: Monday te Lionel Messi toh Barcelona logode training te korai ahishe. Tai toh jowa moina club charibole request kori thaka bechide first time aha laga ase.
Tai laga fesla te ektum mon kushi nahoi kena mana bechide esteemed La Liga side laga captain toh team logode notun manager Ronald Koeman pithor te notun season nemide daiyar koribole korai ahishe.
Messi toh Joan Gamper training ground te squad logode nahoi kena alak te practice kori thakise kelay koile tai toh second par nemide coronavirus test koribole howa nemide.
Sunday din team para COVID-19 nemide test lowa te Messi toh hisha nalowa thakise hoise tai etu eki din te he khor te test lowa thakise.
Jowa Friday te Messi para Goal logode interview te Barcelona te thakibole thakibole janaishe kelay koile tai toh tai laga jevaan te club logode court battle koribole mon nahowa nemide.
Suru te Argentina para August 25 direk official letter te tai toh club para clause nemide transfer fee naloi kena charibole paribo kowa thakise.
Hoilebe Barcelona aro La Liga para clause laga valid toh kothom hoise aro tai laga contract para free hobo nemide clause €700 million dekena he paribo kowa thakise.