Fort Lauderdale, 8 December : Inter Miami CF Vancouver Whitecaps FC ke 3-1 te harai kina club laga fourth trophy aru first-ever MLS Cup title jitise — etu ekta historic win ase.
Lionel Messi second-half-te Rodrigo De Paul aru Tadeo Allende laga goal te assist kurise, aru etu pora Miami laga prothom Philip F. Anschutz Trophy paise, club laga choyta season te.
Messi duita assist diya karone MLS Cup MVP bhi paise. Upor te, Spain laga legends Jordi Alba aru Sergio Busquets “Icons of the Match” declare kora hoise Royal Caribbean pora, aru duijon laga career last-te aru ekta title uthai loye finish hoise.
71 minute-te Messi midfield turnover pora fast-break create kurise, aru Rodrigo De Paul laga game-winner assist kurise — duijon Argentine international aru 2022 World Cup winner bhi ase.
Pichete, 96 minute-te Messi Allende ke ekta through ball dise, aru Allende low finish mari result seal kuridise — etu tai laga record ninth MLS Cup Playoffs goal bhi ase.
Itu trophy pora Alba aru Busquets duijon bhi champion hisab te retire hobo — Spain aru FC Barcelona laga duita legend, juntu manu 2025 season pichete retire hobo buli announce kora thakise.
Add Comment