Litsase Sangtam pora Naga Traditional Fire Making jetise

Kisama jaga deh 19^th  Hornbill Festival thaga laga part hesab deh by Department of Youth Resources & Sports pora Monday din traditional fire competition olaise. Etu deh Sangtam tribe laga  Litsase Sangtam pora 12 hesha lowah khan majode jetibole parise. Naga traditional fire toh hotai sal YRS laga department logode Tourism department pora motob korikena loi. Etu toh indigenous games ase sob naga tribes khan hesha thakikena. Etu toh hotai moda group khan pora kori. Sob melikena alag-alag tribe laga 12 manu event deh hesha lowah thakise. Etu event deh Litsase Sangtam aro Chakhesang tribe laga Lhoupe Tepfo pora first aro second position pora jetise. Tai jun logode Rs. 7000 aro Rs. 5000 paise. Time fixed kora time deh kon-porabe third position lobole napara thakisee. SDO (Civil), Jakhama, Alemyapang pora jeta khan ke prizes deh-deya thakise.