London: Midfielder Fabinho jokom pai kena Brazil international te New Year tak olai jaile bhi Jurgen Klopp himat ase ki Liverpool khan tai nadhaki kena bhi phal khilibole paribo koi kena.
Wednesday Anfield te Champions League opponents Napoli laga khilaaf 1-1 draw match te 18 minutes biche te botli kuri dise.
Liverpool khan pora Friday te janai dise ki Fabinho toh etya pora suru kuri kena December tak laga 10 match te khilible napribo koi kena.
Hoile bhi Klopp biswas ase ki tai nadhakile bhi option ase koi kena.
” Fabinho nishin quality player hariya toh ektam biya ase. Hoile bhi Premier League te jokom pai kena dhakiya toh moi khan ekla nai,” tai pora koise.
“Tai laga position karne moi khan laga pas option ase, moi khan tai ke botli kuribo, moi khan tai ke botli kuribole paribo, moi khan bina tai bhi khili dhakise, moi khan tai bina phal khili dhakise.
” Fabinho nishena toh napabo. Kon bhi eki nahoi. Hoile bhi phal hobole ase.”
Centre laga reshuffle te Adam Lallana, Jordan Henderson aro Gini Wijnaldum khan odhibole pare koi kena nam loise, hoile bhi Klopp pora koise ki kon bhi dhik nai koi kena.
“Fab toh etya pora March tak ekta bhi khilibole napribo pare etu toh paka ase,” Klopp pora Friday te tai laga press conference te koise.
Add Comment