Spain, 20 May : Pepe Reina, juntu Spain laga team te 2010 FIFA World Cup aru duita European Championship (2008, 2012) jiti se, tai 26 saal laga professional football career khotom kori diye ase aru retirement announce kori dise.
Spain laga eta dangor goalkeeper hisebe, Reina total 953 match khele club level te, aru Spain national team karone 35 bar represent korise.
Veteran goalkeeper August te 43 saal hobo, kintu tai bujhaise ki 2024-25 season karone tai eta chance dibi paribo koi laga asha thakise. Last summer te, Villarreal chari diya pisot tai thik bujhi na paise ki kot jabo, karon tai koi thakise ki kunu project tai excited feel nai korise. Kintu last te tai Italy laga Serie A club Como join korise, juntu coach ase tai laga former teammate Cesc Fabregas.
Reina laga naam sobse famous hoise Liverpool te, juntu club te tai laga hometown club Villarreal chari 2005 te join korise. Liverpool laga former manager Rafael Benitez tai sign korise Champions League jeet pora ekta season pisot. Reina 8 saal tak Liverpool laga main goalkeeper thakise.
Tai Premier League te 2005 pora 2008 olop time tak pichhe pichhe tini season te Golden Glove award jitise – etu award diya jai most clean sheets pa laga karone.
Kintu pisot Simon Mignolet k goalkeeper hisebe recruit korar karone Reina 2013-14 season te Napoli te loan te khele. 2014 te tai permanently Liverpool chari Bayern Munich join korise.
Next season te tai abar Italy wapis jai, jekhunte Napoli, AC Milan, aru Lazio juntu club te represent korise (ekbar Aston Villa te loan te bhi khele). 2022 te tai wapis tai laga bhalpua club Villarreal join korise.
Aru 2024 te, tai laga last move hoise – World Cup-winning teammate Cesc Fabregas laga under te Como join korise.
Add Comment