May 6, 2026, 6:29 PM: Ek din laga training Program loishey, Livestock Insurance scheme opor tey, Para- Veterinarian aru Farmer khan nimitey, National Livestock Mission (NLM) 2025-2026 under tey, kuntu toh hoiley CVO Conference Hall, Tuensang tey para loishey, 6th May, 2026 tey.
Dr. N. Wopenthung Odyuo, CVO Tuensang aru Shamator para tai laga keynote address tey highlight kurishey ki, livestock rear kuria toh business aru personal purpose bhi rear kuri thaki kena, itu Naga manu khan bhitor tey, itu tey dangor para economic loss bhi involve asey, calamity khan laga homoi tey. Tai para state kurishey ki, itu Livestock insurance scheme toh farmer khan ke bachai kena rakhey, compensation khan provide kuri kena, judi livestock khan muri jaishey koiley. Tai para aru koishey ki, itu insurance scheme toh hoiley itu National Insurance Company Limited logotey collaborate kuri kena implement kuria laga asey, financial protection diboley aim thaki kena, itu farmer khan ke, itu janwar khan ke insure kuri kena, muria khan hoboley thaka laga specific risk khan para.
Dr. Aojongshi Chang FM, SCRC para itu Livestock Insurance regulation, financial security opor tey Awareness present kurishey, aru itu insurance Scheme para cover kuria benefit khan janaishey.
Itu Training tey, Farmer khan aru Para Veterinarian para attend kurishey, Tuensang district para. Itu programme tey Dr. Tangnio Shiu FM, SCBF para chair kurishey.
Add Comment