Dimapur, 10 August: Livingstone Foundation International para August 9, 2019 deh annual Freshers’ Day loise. Function toh school’s Auditorium deh 10:00 AM para loise. Mr. Thuireishang Jamang (mentor) logode Grade-XII laga Mr. Alopu Swu aro Miss Imsujungla para MCs nemide led korise. Program toh students aro mentors para gana aro dance korikena sundor korise.
Function toh Ms. Medozhanuo, Chaplain para invocation prathana korikena suru korise. Etu bechide Welcome Address Mr. Prabhat Mandal, Principal (Academics) para deshe. Function laga special part toh Mr. & Miss Freshers 2019 contest thakise. Contest deh Grade –XI laga notun batch khan majode hisha lowah thakise. Tai khan judges para olob questions hota ke jawab deya thakise. Final round kothom howah time deh Grade XI Com. Laga Miss. Easter Somungla Jamang deh Miss Fresher 2019 nemide junishe aro
Aro Grade -XI Arts laga Mr. Vioka K. Sumi ke Mr. Fresher 2019 nemide junishe. Tusara title jeta khan toh Mr. Kito A. Yepthomi ke Mr Popular nemide aro Miss. Eypenti Aier ke Miss Congeniality nemide juna thakise. Jeta khan ke Chairman, Dr. Andrew Ahoto aro Director, Mrs. Ani Yepthomi para felicitate korise. Judge nemide Mr. Andrew Ahoto, Chairman, Mrs. Ani Yepthomi aro Mr. Swapnanil Talukdar, Academic Coordinator logode agae sal laga Mr & Miss Freshers thakise.
Keynote address deh Chairman, Dr. Andrew Ahoto para student khan ke Isor para gifts deya toh jolabole koise aro manu khan ke nakethabole koise. Kelay koile nejor laga resta deh nejor he master thaga nemide. Tai para be student khan bucha laga hobole aro morom kora laga hobole koise. Aro one single Stonites family laga members nemide be ekta ekta logode mana laga hobole koise. Tai para be students khan negative kaam nakoribole nemide koise.
Tai para jama howah khan muk toh hotai check kuribole aro bachai rakhibole koise kelay koile family members majode kushi napowah laga hobo koikena. Tai para be student khan ke tusara laga interest toh hotai rakhibole koise. Tai para student khan khali academic ekala nahoi kena tai khan laga bhabona aro vision deh putli howah be dekhibole mon ase koise. Tai hisaab deh, leader laga zamidari toh tusara khan ke manibole para khan para he lobole paribo.
Tai para student khan ke hotai sitha bhabona thakibole, LFI para phal values lobole aro etu opor deh morom aro phal manu hobole aro sob deh phal dekhibole hoise.
Programme laga tusara highlights deh Grade XII Arts students para special number korise aro Grade-XII Sc laga Mr. Cheno Tep para Rip Tide korise. Programme toh Mr. Zakir Hussain, Coordinator para Vote of Thanks dekena kothom korise.
Add Comment