July 20, 2024: Lok Janshakti Party (Ramvilas) Nagaland State unit para toh hoiley itu Government of India aru itu Naga negotiation group khan ke urge kurishey, itu Naga political issue resolve kuriboley laga opor tey focus kuriboley karney. Ekta press release tey, LJP (RV) Nagaland state secretary general – Dr. A. Vikato Sumi para inform kurishey ki, itu toh hoiley itu party laga state political affairs committee meeting tey resolve kuri kena thakishey, kuntu toh hoiley Dimapur tey para loishey, July, 18th 2024 tey.
LJP (RV) para itu bhi urge kurishey itu state government ke, itu chief minister – Neiphiu Rio aru itu political affairs committee laga leadership under tey, Naga political issue laga opor tey, “vigorous para facilitate kuri kena, itu Government of India logotey, early solution nimitey”. Tai khan para koishey ki, early Naga solution toh hoiley itu ultimate desire asey itu manu khan laga aru itu sob 60 elected member khan laga eke logotey ahi kena.
Itu meeting tey observe kurishey ki, bishi faction khan bana laga aru tai khan laga recognition laga, itu India laga Government para, itu toh hoiley eku tey bhi modod nakurey resolve kuriboley, itu complex Naga issue khan aru kiley koiley yatey toh hoiley khali ekta solution he asey, itu India laga Government toh hoiley Naga political solution aniboley lagey, kuntu toh hoiley inclusive, honourable aru acceptable asey, para tak juldi para.
Add Comment