LK Advani junum din nemite PM Modi pora khushi janaise

NEW DELHI, NOVEMBER 8 : Thursday din Prime Minister Narendra Modi pora BJP Veteran LK Advani pora 91^st junum din nemite khushi janaise. Etu ke PM Modi pora tai (BJP Veteran) thaka karne aro India desh laga Development nemite bhal te mon melekena aro motub kurikena ahkete luijabole kura toh besi dangor laga kotha ase koi kena janaide thakise. Etu oporte tai bi etu Shri LK Advani ke bhal kao pora thakibole aro lamba jeevan thakibi koi kena Twitter te kotha lekhe kena janaise.Etu junum din nemite bi Home Minister Rajnath Singh pora Indian Politics majutte ekta dangor leader Shri Lal Krishna ke junum din nemite besi khushi laga kotha janaide ase koi kena janaise. Etu ke Home Minister porabi tai (LK Advani) toh Karyakartas Party kan ke besi mon te chuhi diya laga ase (inspirational) koi kena janaise. Aro lamba jeevan pora bhal te ahkete jabole debi koi kena janaise. Etu oporte West Bengal Chief Minister Mamata Banerjee aro Assam Chief Minister Sarbananda Sonowal pora bi twitter te kotha lekhe kena etu junum din nemite khushi kotha janaise koise.