August 19, 2024: Itu khotom kuriboley laga programme, itu State para fund kuria laga programme “Skill Training for Rural Women through the Mobile Skill Morung” toh hoiley Employment, Skill Development aru Entrepreneurship para conduct kurishey, kuntu toh hoiley Wozhuro Range tey para loa laga thakishey, Wokha district laga under tey, 17th August , 2024 tey.
Secretary & Ex-Officio Director, Meyase para itu khotom kuriboley laga function laga homoi tey address kuri kena koishey ki, itu programme toh hoiley bhal para design kuria laga thakishey, aru itu Mobile Skill Morung para deliver kurishey, special consideration logotey, itu unique accessibility challenges khan laga, maiki khan face kuria laga, itu region tey.
Tai para note kurishey ki, bishi maiki khan toh, tai khan para significant contribution kuri thakilebi tai khan toh skill development programme khan tey participate kuriboley napari kena thakey, family laga ki ki laga dikdari khan thaka nimitey aru mobility nathaka nimitey, tai khan laga ghor khan aru bosti khan tey para bahar ulaboley jaboley napara nimitey, training khan nimitey.
Tai para inform kurishey ki, itu programme toh hoiley maiki khan ke empower kuriboley karney focus kurishey, practical skill khan logotey aru ekta significant step mark kuri kena, economic independence aru self- reliance promote kuri kena, itu maiki khan laga bhitor tey.
Tatey pura puri 25 maiki khan choita bosti khan tey para, Wozhuro range bhitor tey para, participate kuri kena, itu training programme tey. Sob trainee khan ke ekta basic toolkit khan provide kurishey, ekta silai-kuria laga machine, electronic iron, scissors, napiboley laga tapes bhi milai kena.
Add Comment