Local khota laka zarori.

India te beshi jakha te nejor laka local khota nemede beshi khota olai ase. Edu local khota toh offices khan te aro beshi alak jakha te official jolabole karne bhi beshi issues olai ase. Beshi local manu khan English natchana bhi beshi thaki ,aro eneka situation te offices khan te aro high court neshina jakha khan te bhi English natchane le toh local khota bara he khota kurebole olai . Edu bara edu public laka problem toh leaders khan aro administration khan bara bujibole lakae. India laka Chief Justice (CJI) N.V Ramana bara Saturday te koishe ki “Amekhan laka country te high court te local khota ke jolabole karne ola karne beshi barriers olai ase aro edu laka problem toh ahia samoi karne solve kurebole barebo , scientific innovation aro Artificial Intelligence laka motut bara bari jabo koishe.” Tai bara Chennai te Madras high court te  nine-stored administration block ke foundation stone hali samoi te koishe ki Tamil manu khan nejor laka culture ke protect kurebole beshi mon de aro ki hoilebe edu karne taikhan kun bhi fight kurebole natcharibo, aro nejor laka linguistic rights karne country ke anti-Hindi agitation karne Tamil Nadu te 1960s te appeal kureshe. Saturday laka tin te Chief Justice aro State laka Chief Minister M.K Stalin khan edu event te participate kureshe aro taikhan sob bara melai kena Tamil manu khan ke High court te local khota jolabole barebole allow kurebole permission dibole request kureshe. Edu local khota laka issues toh edia bara nahoi boila bara ahe ase aro high court bara allow kuranai. India laka constitutaion te article 348 laka hisab te boila bara high court khan te local khota jolabole barebo karne beshi alak regions khan bara demand kura laka dekhe bai ase. Edu local khota jolabole karne kele mana kure ase edu toh beshi reasons ase . Aro edu issues karne beshi debate bhi loishe. Hoilebe edu laka issues karne kiman mana kurelebe edia take du laka demand karne public khan baria tak beshi kosish kure ase, edu request ke grant kurebole karne. Amekhan Chennai ke saile India te sobse beshi wala culture ke strictly follow kura manu khan ase aro edu khan ke cultural capital of the country koina mani jai. Kele koile Chennai khan sobse thuni traditions ase,art, architecture, dance, music aro cinema khan beshi manu khan edu te beshi mani jai. Tamilians khan nejor laka identity toh khana ,khota aro culture te beshi mani . Country te sob state te saile , Tamilians khan nejor laka culture aro linguistic rights ke protect kura te sobse ake ase. Edu laka issue karne beshi leaders khan melai kina solve kurebole kosish kure ase beshi sal bara aro edia tak high court khah bara namane, aro edu laka waja bhi dangor thakibo . Hoilebe edu laka demand toh beshi sal bara bending ase aro public khan bhi edu ke namana tak demand kuri thakobole ase.  Edu bara edi laka issue karne kun khan incharge ase edu khan bhabna kure kina ke kurebole lakae edu karne solutions anebole saile beshi bahal hobo, kindu public khan bhi kiba ekta dukh hua karne demand kure ase ene tph eman sal bara time bhelai kina demand nakuribo.