Agartala, February 01 : Lok Sabha election ahibole ageyte, central BJP leader paraTripura BJP leader khan ke New Delhi te matisey. Home Minister Amit Shah aro BJP National President JP Nadda para election laga tayari te focus kurikina February 17 aro 18 te ekta jaruri meeting lead kuribole asey.
BJP majotey thaka manu khan para etu meeting ke confirm kurikina Lok Sabha election nimitey etu meeting kiman jaruri asey etu highlight kurisey. Tripura laga BJP leader khan ke jaruri strategies, campaign plan aro coordination efforts discuss kuribole akha kuri asey. Taki ahibole thaka election laga larayi te taikhan tagra aro ekjut hoikina khara kuribo paribo.
Ekjun para koisey, “Etu meeting tu BJP para desh aro rajya duita level laga election nimitey bi bhal para bhabna kurikina planning aro coordination kora laga ekta hisa asey. Lok Sabha election osor pungcha nimitey, election laga campaign ke successful banabole nimitey taikhan laga mehnat kora rao rally support ke simple banaidibole aim kuri asey. BJP laga Tripura State President Rajib Bhattacharya aro BJP general secretary Amit Rakshit para etu meeting attend kuribole asey.”
Etu manu para agey barikina koisey ki meeting chola homoitey, BJP party para ekta PowerPoint Presentation present kuribole asey. Etu PowerPoint Presentation te juwa olop saal te BJP para Tripura te ki ki kaam kurisey etu dikhabole asey. Aro etu te elrction nimitey membership kiman barisey, tayari aro planning kinaka chuli asey etu bi detail te dikhabo.
Tai para agey barikina koisey, “Etu bar amikhan para etu rajya te, duita Lok Sabha seat te bi jeet hasil kuribo koikina biswas kuri asey hoilebi tayari ktu kuribole jaruri asey. Amikhan laga party para juwa saal jeet hasil kurisey. Aro juwa olop saal te amikhan laga party aro sarkar nimitey dangor support paisey.”
