Imphal, April 1 : Manipur government para Manipur te hobole thaka Lok Sabha election laga voting kora aro vote ginti kora din te “dry day” implement kuribole annpunce kurisey.
Manipur, kotey juwa saal laga May moina te jati laga larayi huwa dikhisey etu rajya tu duita phase te Lok Sabha election kuribole asey. April 19 aro 26 te.
Manipur Chief Electoral Officer (CEO), Pradeep Kumar Jha laga hisap te, Manipur te 2955 voting station majotey pura puri 1058 voting station tu khatarnak asey koikina identify kurisey.
Etu logotey, Mizoram excise department para issue kora ekta order te April 17 laga shaam 4pm para loikina voting huwa din laga first phase(April 19) tak mudi bikri kora tu bon kurikina asey.
Etu nisna, April 24 laga 4pm para loikina second phase voting huwa din(April 26) laga 4pm tak mudi bikri kora tu ban kurikina thakibo.
Etu opor te, vote ginti kora laga din ke ekta dry day declare kurisey, kuntu tu June 04 te hobole asey. Aro vote ginti kora laga process khotom hobole tak etu tu effective thakibo.
Etu faisla tu, Representation of People’s Act 1951 laga section 135c laga hisap te aro Eastern Bengal & Assam Excise Act 1910 laga section 17(3) under te authority grant kora tu cholaikina, kuntu tu Manipur laga rajya nimitey baraidiisey.
Add Comment