New Delhi, 13 October: Congress chief’s post para charikena 5-moina para be besi howah bechide Rahul Gandhi toh first time Maharashtra’s Latur deh public khan agae deh ahishe. Tai para state laga economy nemide government ke kelaaf kora thakise. Jaija agae din state deh ahha bechide Prime Minister Narendra Modi aro BJO chief aro Union Minister Amit Shah toh campaign loi ase. Rahul Gandhi koise, tai khan para core issues- farm crisis nohoile unemployment deh manu laga attention ke dekthari de ase.
Tai para Ausa, Latur district deh election rally lowah time deh koise, “Auto sector, textile sector, diamond industry toh kothom hoise hoilebi apuni toh media deh eku dekha nai. Modi para etu opor deh olob be kotha nakorae. Etu toh 40 sal deh sobse besi unemployment ase”.
Mr Gandhi koise, “Ketya youth para jobs nemide hotae, government para moon deh sabole koi. Government para special provisions Article 370 aro moon opor deh kotha kora. Hoilebe desh deh dekthari pai thaga opor deh dhanda para ase”.
Rahul Gandhi toh May moina Lok Sabha election results bechide party post para chara thakise aro tai party laga ektum beya performance nemide zamidari mana thakise. Congress toh 543 Lok Sabha seats laga ke khali 52 he lobole para thakise.
Tin moina olob para naponji kena August deh tai para tai laga fesla toh withdraw nakoribole janaideya thakise. Etu nemide tai laga ama UPA chairperson Mrs Gandhi toh tai laga jaga lowah thakise.
Party post para chara bechide bechide Congress deh ektum dekthari ola thakise aro konbah member khan toh party chari kena BJP deh join howah thakise.
Mr Gandhi agae deh top leader khan kon be campaign nemide state deh nahai kena ase.
Add Comment