New Delhi, 2 August 2025: Congress leader Rahul Gandhi ekta strong speech te koishe ki 2024 Lok Sabha election rigged ase aru India laka election system ekdom “dead” hoi jaishe. Etu kotha tai koishe Congress Annual Legal Conclave 2025 te. Rahul Gandhi koishe ki tai laka haat te ekta “open-and-shut proof” ase, juntu Election Commission of India (ECI) ke BJP logot milai kina voter list manipulate korishe koi kina dekhaishe.
Tai koishe, “Jodi 15 seats rigged nohoi thakile, PM nohoi kina thakibo.” Rahul Gandhi koishe ki Congress party pichla choi mahina laka investigation te Karnataka, Madhya Pradesh, Maharashtra aru Bihar te vote chori kora evidence paishe.
Shiv Sena (UBT) laka MP Sanjay Raut aru Congress leaders bhi etu allegation ke support korishe. Tai bhi koishe ki Maharashtra aru Bihar te vote chori hobo pare koi kina doubt ase.
Election Commission to Rahul Gandhi laka allegation ke pura “baseless and wild” koi kina reject korishe. EC officials ke koishe ki etu political attack ke ignore koribi, impartial kaam cholai jabo.
Rahul Gandhi laka etu statement opposition aru EC majote tension barhai dishe. Tai laka allegation – voter list manipulation, corruption aru system fail – India laka democracy upor dangor question uthai dishe. Judiciary laka official enquiry hobo na nai, etu to time he bujai dibo. Kintu ekta kotha clear ase – public trust te ekta dangor doubt uthishe.
Add Comment