June 28, 2024: Friday din deh Congress MP Shashi Tharoor para kinaka Delhi laka barish para taila Lutyens ghor keh flood kuri shae, etu deh kotha kuri shae. Tai para flood hua tho taike Parliament session olop para jabo dia nai kui shae. Friday din deh Delhi manu kan flood diki nah morning deh uthi shae. City laka bishi jaka kan flood hui jai shae aro pani tho ghor laka pitor deh b jai taki shae. Etu heh nahoi nah gari kan keh b dubai di shae aro enaka hua tho lamba traffic jam hui jai shae. Thursday din piche deh Delhi, Noida aro Gurugram jaka kan deh heavy rain, thunderstorm aro lighting kan giri shae. Video ekta share kuri nah, Tharoor para tai morning deh utha tho ghor flood hui nah pai shae kui shae. aro sob room kan pani kan taki shae kui shae. “Carpets aro furniture, mati deh taka sob saman kan bia hui jai shae. Storm water drains kuto neighborhood deh ase, etu kan pura clogged hui nah ase jani shae mui. Clogged hua tho pani kuteh b jabo napara hui shae,” tai para kui shae. Tharoor, kum puila laka Union minister Rajeev Chandrasekhar keh harai di nah 18th Lok Sabha deg gusi shae, tai Parliament punchi bole boat ekta lakeh kui nah joke mari shae. Hoile b authorities kan rasta para pani olai dib oleh pari shae aro tai time deh ahi bo di shae.
‘Lok Sabha punchi bole boat lakeh”: Shashi Tharoor
