New Delhi, 17 January : Last June te Anju Bobby High-Performance Centre, Bengaluru te shuru kuri lohar pichite, Shaili Singh pura duniya ke band kori di, laga room te Punjabi gaan baji di, aru roya aru nacha. Itu 21 saal laga larki laga style ase frustration chhodi dibole aru laga monor khushi nimite.
Shaili nijor ke samjhae ki dangor hisab te sabole lagi – ki injury-ravaged season hoi thaikise, ki ta eku young ase, aru mentor Anju laga 20 saal purana national record (6.83m) todhibole khub dangor kaam hobo – kintu laga mon te khali monor kotha na rukhise.
Olympics ekla-ekla te saikise, aru ta ke bhabi thakise ki hoi bole pare thakise jodi ta laga body Paris Games nimite crucial months te bhal thakise. Men’s javelin final ta ke thora comfort diye, kintu Shaili bar-bar negativity te jabi loi paise.
Under-20 Worlds medal loi ahar pichite ta ke future nimite ekjon dangor athleter hisab te dekhaise, kintu dangor international events te bhal result pa nai. Birmingham Commonwealth Games nimite qualify nohoi paise, Hangzhou Asian Games te fifth place te finish kurise, aru Paris Games nimite berth miss kurise.
Itu sob shuru hoise jabi Covid March 2023 te lagise aru ekta mahina nimite ta ke action te rukhai dise. Recovery kurar pichite bhi fatigue shake off kuribo tough thakise. Pichete, Asian Games te ta laga shoulder injure hoi jai aru ta laga off-season pura kharap kurise.
Ta laga take-off ankle, left ankle, dukh di thakise dui saal nimite aru olop din pichite ta PRP (Platelet-Rich Plasma) therapy lobo lagise.
Qualification deadline ke mon rakhi loi Shaili Europe te ekta mahina laga six-competition circuit kuri loise, kintu 6.43m best manage kuribo parise. Paris nimite 6.86m lagise. Ta laga ankle issue logot ekta hip flexor injury bhi hoise ta laga tour te. Shaili laga season Inter-State Championships te second place te aru 6.59m laga best finish kuri end kurise. Pichete, ta dui mahina break lobo nimite ghar Jhansi te 20 din aru hills te family logot trip kuri mon relax kurise.
Hale bhi, Shaili laga pre-season laga second mahina te ase aru ta nijor personal best te phurai thakise. Ta 140kgs deadlift aru 100kgs squat kuri ase, aru Robert laga progressive training logot ta confident ase fit aru strong kuri ulai bole.
Shaili next month te long jump pit shuru kuribo aru laga season March-April te shuru kuri bole plan ase. Itu saal Asian Championships aru World Championships mon te rakhi ta laga priority pura set ase.
Add Comment