CHANDIGARH, NOVEMBER 17 : Decorated War Veteran Brigadier Kuldip Singh Chandpuri toh Mohali osor, Chandigarh laga Private Hospital te Saturday din murijaise koi kena, khor manu khobor hisabte janaise. Aro tai mura time te 78 sal huikena thakise koise.
Etu Brigadier Kuldip Singh Chandpuri toh Army Major nemite 1971 sal te India aro Pakistan desh 2 jun larai (war) thaka time te huikena thaka laga ase. Aro tai bi ekta kathara larai (war/battle) kobi Rajasthan laga Longewala te thaka time te ahkete luijaide kena mana laga ase. Etubi kathara (advanced) Pakistan Patton tanks kan logot tai kan 120 jun Sepai porahi larai kurikena thakise koi kena.
Etu kathara larai te tai bhoi nakurikena ahkete luijabole kura karne Maha Vir Chakra (MVC) bi baa laga ase. Kele etu kathara larai te tai laga himat porahi Dushmuni (Pakistan sepai) kan ke bhoi khelaide kena wabas jaijabole dediya karne. Aro tai pora ahkete luijai kena eneka bhal kam kura karne 1997 sal te “Border” koi kena Bollywood Blockbuster Movie dak bi ulaide kena thakise koise. Aro etu Film te tai nemite banai kena Sunny Deol thakise koise.
Add Comment