Dimapur, 18 December: Tuesday din Longleng district deh Minister for Health and Family Welfare S Pangnyu Phom para drugs abuse ke kelaaf korikena fight kuribole nemide koise.
Yachem village, Longleng district deh Yachem Students Union laga 61st general session lowah time deh Pangnyu para students’ community ke yaat koraideya, “geographical aro population Longleng toh ektum horu ase hoilebi district toh ektum besi durg addict rate nemide fight kori ase.
Tai koise, “Etu samai deh, etu session para drug ke kelaaf korikena war suru kuribo lakae aro etu mission deh Yachem Students Union para tusara ke lead kuribo lakae”.
Tai koise, “Ami khan ami khan laga bhai drug laga slave hoi thaga ke sabo napari. Nahotibe society para apuni ke ke kuribole hoilebi apuni para apuni para society aro church nemide ke kuribo etu opor deh hotibe”.
Event deh legislator para nejor laga mother tongue ke importance dekana Phom identity toh rich culture, tradition aro custom para bachabole koise. Tai student’s community ke positive mindset para nejor laga goal ponjibo nemide lead kuribo koise.
Tai para Nagaland toh employment para dekthari pai ase aro jawan lekha-pura khan jinda thakibo nemide Government job ekala ke nasabo laki koikena koise, “Judi apuni kamiyaab jevaan hobo mon ase koile secret agenda bonabe. Ami khan competitive duniya deh thaki ase, etu para competitive spirit thakibo lakae. Ami khan ke besi educated unemployment laga percentage toh ase hoilebi komti employment opportunities ase”.
Tai para kondangor kotha janideya, “Ke laga employment opportunities ase etu toh competition aro merit para kamiyaab hobo lakae”.
Add Comment